HALYQLINE.KZ Қазақстан Республикасы Бәсекелестікті қорғау және дамыту агенттігінің Қызылорда облысы бойынша департаментінің тергеп-тексерулер бөлімінің басшысы Е.Карибаев «Сыбайлас жемқорлыққа қарсы іс-қимыл туралы» ҚР Заңына өзгерістер мен толықтырулар енгізу мәселелерін қарау бойынша құқықтық оқыту өткізді.
Атап айтқанда, Мемлекет басшысы «Қазақстан Республикасының кейбір заңнамалық актілеріне сыбайлас жемқорлыққа қарсы іс-қимыл және мемлекеттік қорғауға жататын адамдардың қауіпсіздігін қамтамасыз ету мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды.
Өзгерістер мен толықтырулар сыбайлас жемқорлыққа қарсы іс-қимыл туралы заңнаманы одан әрі жетілдіру және озық халықаралық стандарттар негізінде сыбайлас жемқорлықтың алдын алудың жаңа құралдарын енгізу жолымен сыбайлас жемқорлыққа қарсы іс-қимылдың тиімді жүйесін қалыптастыру мақсатында әзірленді.
Мемлекеттік функцияларды орындауға уәкілеттік берілген адамдардың және оларға теңестірілген адамдардың негізсіз байытылуын бақылаудың алдын алу шаралары арқылы сыбайлас жемқорлық көріністерін барынша азайту, сондай-ақ сыбайлас жемқорлық фактілері туралы хабарлайтын адамдарды, оның ішінде олардың еңбек құқықтарына нұқсан келтіруден және ұсынылған ақпараттың құпиялылығынан кепілдіктер арқылы тиісті қорғауды қамтамасыз ету негізгі міндеттер болып табылады.
Қабылданған өзгерістер мен толықтырулар мыналарды қамтамасыз етуге мүмкіндік береді:
– мемлекеттік функцияларды орындауға уәкілеттік берілген және оларға теңестірілген адамдардың көлеңкелі кірістерін анықтау;
– мемлекеттің сыбайлас жемқорлыққа қарсы саясатының транспаренттілігі;
– мемлекеттің әлеуметтік-экономикалық дамуы үшін теріс фактор ретінде сыбайлас жемқорлықтың төмендеуі;
– сыбайлас жемқорлыққа қарсы іс-қимылда азаматтық қоғамның белсенділігін арттыру;
– сыбайлас жемқорлыққа қарсы мәдениетті қалыптастыру;
– қоғамда сыбайлас жемқорлыққа төзбеушілік атмосферасын құру.
Құқықтық оқыту барысында аталған өзгерістер бойынша толық түсініктемелер берілді.
Пікірлер жоқ. Бірінші болыңыз!