Куәгерлердің айтуынша, баланы автобус аялдамасы маңындағы жолдан өтіп бара жатқан кезде қоғамдық көлік қағып кеткен.
Қайғылы жағдай 8 желтоқсан күні таңертең Атырау қаласы маңындағы «Байтақ-2» шағынауданында болған. Қоғамдық көлік жүргізушісі алты жастағы баланы қағып кеткен. Алған жарақаттарының салдарынан бала оқиға орнында көз жұмды, – деп хабарлайды halyqline.kz тілшісі Aikyn.kz сайтына сілтеме жасап.
Атырау облыстық полиция департаменті баспасөз қызметінің мәліметінше, көлікті 58 жастағы жүргізуші тізгіндеген.
«Қазіргі уақытта жүргізуші ұсталды, қылмыстық іс тіркеліп, сотқа дейінгі тергеп-тексеру жүргізіліп жатыр. Тергеу мүддесіне байланысты басқа ақпарат жариялауға жатпайды», – деп нақтылады полиция департаментінің баспасөз хатшысы Мейірім Ердәулет.
Пікірлер жоқ. Бірінші болыңыз!