Аса ірі мөлшердегі есірткі затын сатқаны үшін Қызылорда қаласының екі тұрғыны 11 жылға бас бостандығынан айырылды, деп хабарлайды облыстық полиция департаментінің баспасөз қызметі.
Қызылорда облысы Полиция департаментінің қызметкерлерімен жүргізілген жедел-іздестіру іс-шараларының барысында сату мақсатында аса ірі мөлшерде есірткі затын сақтаған Қызылорда қаласының 2 тұрғыны құрықталды.
Жүргізілген іс-шараның нәтижесінде күдіктілердің мекенжайларынан жалпы салмағы 1 кг 400 гр есірткі заты тәркіленді.
Сотқа дейінгі тергеп-тексерістің нәтижесінде қылмыстық құқықбұзушылығы бойынша жинақталған барлық құжат, дәлелдер сотқа жолданып, соттың үкімімен аталған күдікті тұлғалар әрқайсысы 11 жылға сотталды.
Пікірлер жоқ. Бірінші болыңыз!