Кеше жыраулар үйінде “Мәдениет саласының үздігі” төсбелгісінің иегері, жырау Марат Сүгірбай «Ақша бұлтты Ақтан батыр» атты жыр концертімен көрерменге рухани кеш сыйлады!
Дәстүрлі өнердің дарабозы алқалы топ алдында Файзулла Омаровтың “Ақтан батыр” жырын жырлап, қазақтың бай мұрасын жаңғыртты.
Ұлтының тұтастығын, жерінің бүтіндігін мұрат еткен қазақ батырларының ерліктері сипат алатын эпостық жырлар бүгінге дейін ел жадында сақталып, ұрпақ санасында жатталып, халықтың рухани азығына айналып келеді. Биыл халық батыры Ақтан Ақайұлының туғанына 255 жыл (1770-1854).
Жанқожа батырдың үзеңгілес серігі,Хиуа, Қоқан бекіністеріне жасаған жорықтарына қатысқан батырдың ерлігіне арналған жырлар аз емес.
Батырлық пен елдік рухты дәріптеген жырау елдің батасын алып, ыстық ықыласына бөленді. Ұлттық өнеріміздің мәртебесі арта берсін!
Пікірлер жоқ. Бірінші болыңыз!