Бұл қарашада кино әлемінде қызықты әрі маңызды премьералар көп болмақ. Әртүрлі жанр мен оқиғалар арқылы көрермендерді қуантатын фильмдер арасында бірнешеуі ерекше назар аударуға тұрарлық. Олардың кейбірін назарларыңызға ұсынсақ.
Sheker: Соңғы мүмкіндік
Salem Social Media-ның бұл сериалы көптің көңілінен шыққан болатын. Қысқаметражды веб-сериал есірткінің теріс тұстарын өмірдің ащы көріністерімен бейнелейді. Сериалдың соңғы маусымында әбігерге түскен Алдик ақыр соңында ұсталып, бас бостандығынан айырылған болатын. Енді оның шытырман оқиғасы жайлы аталған толықметражды фильмнен біле аласыз. Алайда, киноға бармас бұрын веб-сериалды көріп алғаныңыз дұрыс, әйтпесе көп фрагментті түсінбей қалуыңыз мүмкін.
Дюна: Пайғамбарлық
Брайан Гербер пен Кевин Джей Андерсонның романының желісінде жазылған «Дюна» франшиазының спин-оффы 17 қараша күні жарық көрмек. Сериал сюжеті фильм сюжетіне дейінгі он мың жыл бұрынғы жағдайды көрсетеді. Басты рөлдерді белгілі актерлар Эмили Уотсон және Оливия Уильямс ойнамақ ниетте.
Мария
Опера әншісі Мария Калластың өмірбаянына негізделген толықметражды фильм. Бір қызығы, басты рөлді беделді актриса, сұлулық символы аталған Анджелина Джоли сомдайды. Бұл фильм Пабло Ларроиннің әлем әйелдері жайындағы трилогиясының үшіншісі болмақ. Режиссер бұған дейін Жаклин Кеннеди және Диана патшайым жайлы да кино түсірген болатын.
Жер иесі
Американдық белгілі жанр нео-вестерннің танымал етушісі Тейлор Шериданның жаңа сериалы. Бұл сериал Техас штатындағы мұнай өнеркәсібі саласын тереңірек ашқалы отыр. Туындыда қарапайым жұмысшылар мен инженерлер және миллиардерлер арасындағы қарым-қатынас пен біз біле бермейтін мұнай құпиялары суреттеледі деп күтілуде.
Мәңгілік Жұлдыз
Басты рөлде Хоакин Феникс ойнайтын бұл драма бір суретшінің шығармашылыққа толы өмір жолын баяндайды. Фильм өмірдің қиындықтарына төтеп беріп, өзін табуға ұмтылған кейіпкердің ішкі жан дүниесін аша түседі. Режиссері – Мартин Скорсезе.
А.ЖАЙШЫЛЫҚ
«Халықтың» коллажы
Пікірлер жоқ. Бірінші болыңыз!