Есірткіге қарсы күрес – тек медициналық немесе құқықтық мәселе емес, бұл – ұлт тағдырына қатысты мәселе. Ал есірткіге тәуелді болу — жай ғана жаман әдет емес, бұл — адамның өмірін жалмайтын, тағдырын тас-талқан ететін жау. Бір рет қана байқап көремін деген ой — өмірлік өкінішке, орны толмас зардапқа әкеледі. Есірткіге тәуелді адам — еркіндігін жоғалтқан адам. Ол тек өзіне емес, отбасына, айналасына да қауіп төндіреді. Есірткі адам денсаулығын құртады, психологиялық күйзеліске ұшыратады, рухани да, физикалық та күйреуге алып келеді.
Әрбір жас — еліміздің болашағы. Болашақты қараңғылық емес, білім мен үміт, тұрақтылық пен мақсат алып жүруі керек.
Сондықтан мен үндеу тастаймын!
Біз — жастар, жарқын болашақтың иесіміз!
Біз — өз өмірімізге өзіміз жауаптымыз!
Біз — есірткіге «ЖОҚ!» дейміз!
Ата-ана, ұстаз, қоғам — бәріміз жұмылып, болашақ ұрпақты есірткіден арашалап қалуымыз керек. Таза сана, салауатты өмір, мақсатты бағыт — міне, нағыз жеңіс жолы!
Есіңде болсын: өмір — бір-ақ рет беріледі. Оны есірткімен емес, армандармен толтыр!
Бүгінгі таңда – ЖОҚ деу, ертеңгі күнге – ҮМІТ себу!
Халилуллаев Әбілмансұр Нұрболұлы,
№145 «Бірқазан» орта мектебінің 11-сынып оқушысы,
Қызылорда қаласы
Пікірлер жоқ. Бірінші болыңыз!