Қазақстанда соңғы жылдары жол-көлік оқиғасының саны қайта өсіп отыр. qamqor.gov.kz порталындағы ресми деректерге сүйенсек, 2015–2020 жылдары тіркелген ЖКО саны біртіндеп азайғанымен, 2021 жылдан бастап кері динамика байқалады.
2025 жылы Қазақстанда тіркелген жол-көлік оқиғаларының саны 32 мыңға жетіп, 2024 жылмен салыстырғанда 23 пайызға өскен. Алдыңғы жылы бұл көрсеткіш 26 мың болған. Ресми деректерге сәйкес, 2020–2023 жылдары жол апаттарының саны салыстырмалы түрде тұрақты деңгейде сақталғанымен, 2024–2025 жылдары күрт өсім байқалды. Бұл жол қауіпсіздігіне қатысты мәселенің қайта ушығып отырғанын көрсетеді.
Республика бойынша динамика:| Жыл | ЖКО саны | Жарақат алғандар | Қаза тапқандар |
|---|---|---|---|
| 2023 | ~13 000 | ~20 000 | ~3 000 |
| 2024 | ~26 000 | ~41 000 | ~3 000 |
| 2025 | ~32 000 | — | — |
Жол апаттарымен бірге жарақат алғандар мен қаза тапқандар саны да күрт артқан. 2024 жылы ЖКО салдарынан 41 мыңнан астам адам жарақат алған, ал 3 мыңға жуық адам көз жұмған.
Пікірлер жоқ. Бірінші болыңыз!