Мемлекет басшысының бастамасымен қолға алынған жалпыұлттық «Таза Қазақстан» экологиялық акциясы аясында бүгін Сырдария ауданында ауқымды тал егу жұмыстары жүргізілді. Игі іс-шараға аудан әкімі Берік Сәрменбаев, мекеме қызметкерлері, ерікті жастар және аудан тұрғындары белсенді түрде қатысты. Бұл туралы аудан әкімінің баспасөз қызметі ақпарат таратты.
Аталған акцияның басты мақсаты – қоршаған ортаны қорғау, елді мекендерді көгалдандыру және тұрғындар арасында экологиялық мәдениетті қалыптастыру. Осы бағытта ұйымдастырылған іс-шара барысында аудан аумағында 2100 түп көшет отырғызылды.
Сонымен қатар, экологиялық акция аясында тал егу жұмыстарымен қатар тазалық іс-шаралары да кең көлемде ұйымдастырылды. Ауданда өткен жаппай сенбілік барысында көшелер мен қоғамдық орындар қоқыстан тазартылып, көктемгі абаттандыру жұмыстары жүргізілді.
Пікірлер жоқ. Бірінші болыңыз!