Halyqline.kz – үздіктер қатарында!

Арақ ішсе, ара да оңбайды

28.02.2025, 21:53 45

Аралар әлемінде тәртіп қатаң. Ережені бұз­ғандарға аяушылық болмайды. Ауыр жазаға тар­тылады. Ең қы­зы­ғы, аралар арасын­да «мас­күнемдік» кешіріл­мей­тін күнә саналады. Қалайша дейсіз ғой?

Арақ ішсе, ара да оңбайды
Аралар күн ұзақ гүл­ден шырын жинап, тынымсыз еңбектенеді. Бірақ кейде олар ашыған бал шырынға тап болады. Бұл – ара үшін нағыз қасірет. Өйткені ашып кеткен бал шырынның құрамында спирт бар. Ал әлгі шырынды бай­қаусызда іш­кен ара тепе-теңдігін жоғалтып, құлап-сүрініп, ұша алмай қалады. Егер ол ұяға дейін аман-есен жетсе, ең қорқыныш­тысы – сол. Себебі ара­ның мас күйінде келуі – кешірілмес қылмыс. Ұяның қақпасын күзе­тіп тұрған қырағы сақ­шылар «ішіп келген» ұяласын бірден таниды. Есіктің алдында теңсе­­ліп, бағытынан жаңылған ­мас араны кіргізбек ­тү­гілі, басқаларға сабақ болсын деп аяусыз жазалайды. Күзетшілер мас ара­ның аяғын, қанатын жұ­лып, ұядан аластайды. Бұл – олардың өзгермейтін заңы. Қанаттары бүтін болғанымен, аяқсыз қал­ған ара ұзаққа ұшып кете алмайды. Ол ұядан шеттеп, жалғыз қалып, көп ұзамай өлім құшады.

Айтолған Жүнісхан

Пікірлер жоқ. Бірінші болыңыз!

Пікір жазыңыз

Тағы да оқыңыз: