Қазақстан Ресеймен Байқоңырға әуе қатынасын орнатуға келісті. Мақсат – ғарыш стансасына туризмді дамыту.
Telegram-дағы КГА арнасында пайда болған ақпаратқа сәйкес, Талғат Ластаев бастаған қазақстандық делегация Ресей көлік министрінің орынбасары Владимир Потешкинмен кездескен.
«Ғарыш стансасына туризмді дамыту мақсатында Қазақстан мен Ресейден Байқоңырға әуе қатынасын орнату туралы келісімге қол жеткізілді», – делінген хабарламада.
Қала әкімшілігінің ресми сайтындағы ақпаратқа сәйкес, Байқоңыр – жалға алу жағдайында жұмыс істейтін Қазақстанның әкімшілік-аумақтық бірлігі. Бұл – «Байқоңыр» кешенінің әлеуметтік-мәдени және әкімшілік орталығы, оның қолданыстағы инфрақұрылымы Ресейдің ғарыш саласын дамыту бойынша алға қойған міндеттерін орындауды қамтамасыз етеді.
2004 жылдың 9 қаңтарында елдер арасында келісімге қол қойылып, оған сәйкес Байқоңырды жалға алу мерзімі 2050 жылға дейін ұзартылды.
Дереккөз: kaz.nur.kz
Сурет ашық дереккөзден алынды.
Пікірлер жоқ. Бірінші болыңыз!