Бүгінгі күнде аймақ басшысы Нұрлыбек Нәлібаевтың қолдауымен Сырдария ауданының орталығы Тереңөзек кентін абаттандыру және көрікті орынға айналдыру жұмыстары аптапта да қарқынды жүруде. Бірінші кезекте, санитарлық тазалау, тротуарлар мен тұрғын үйлердің қасбеттерін тиісті қалыпқа келтіру, саябақтарды көріктендіру және көгаландыру жұмыстары іске асырылуда.
Аудан әкімінің баспасөз қызметінің мәліметінше, кенттегі А.Иманов көшесі бойындағы «Жастар аллеясының» жасыл желектерін абаттандыру жұмыстарын жүргізу мақсатында конкурс өткізіліп, «Техоснастка-Ремсервис» ЖШС аталған жұмыстарды атқаруда. Қазіргі таңда аллеяның екі жағы тегістеліп, тас төселіп, бордюрлар орнатылуда. Жалпы, аталған нысан қыркүйек айында аяқталып, қолданысқа беріледі деп күтілуде.
Аллея аумағы ретке келтіріліп, алдағы уақытта аудан тұрғындары мен жастардың серуендейтін орталығына айналады.
Пікірлер жоқ. Бірінші болыңыз!