HALYQLINE.KZ Жалпы білім беретін пәндер бойынша республикалық олимпиаданың аудандық, қалалық іріктеу кезеңдерінің қорытындысы бойынша бүгінгі облыстық кезеңге 391 оқушы қатысады. Олимпиаданың облыстық кезеңі қаламыздағы Т.Есетов атындағы №264 мектеп-лицей базасында 24 наурыздан басталып, 30 наурызға дейін жалғасады.
Жалпы білім беретін пәндер бойынша республикалық олимпиаданың облыстық кезеңі «1 оқушы, 1 компьютер, 1 камера» қағидасы бойынша «Оқулық» платформасы арқылы жүргізіледі. Бұл зияткерлік жарысты өткізудің ашықтығы мен айқындығын қамтамасыз етуге мүмкіндік берді.
Бұл кезеңде оқушылар жаратылыстану-математика, қоғамдық-гуманитарлық бағыттардағы 14 пән бойынша бақтарын сынайтын болады.
Электронды форматты енгізу аудандық, қалалық олимпиадаға қатысушылар тарапынан түрлі бұзушылықтарды анықтауға мүмкіндік берді. Мысалы, оқушылар тапсырмаларды шешу үшін смартфондарды пайдалануға тырысады. Бірақ ондай әрекеттерге енді тосқауыл қойылғанын ескертеміз.
Айта кетейік, жалпы білім беретін пәндер бойынша республикалық олимпиаданың облыстық кезеңін syr-daryny.kz ресми сайтынан тікелей эфирде тамашалауға болады!
Пікірлер жоқ. Бірінші болыңыз!