Кеше қала әкімінің орынбасары Бектас Балғабайұлы жауапты сала өкілдерімен кәсіпкерлік нысандар мен денсаулық сақтау мекемелерін аралап, коронавирусқа қарсы вакцинациядан өтудің маңыздылығы туралы ақпараттық-түсіндіру жұмыстарын жүргізді.
Жиналғандарға облыстық денсаулық сақтау басқармасы басшысының орынбасары, санитариялық-эпидемиологиялық бақылау басқармасының қызметкерлері коронавирус инфекциясына қарсы вакцинация шарттары мен ережелерін, сондай-ақ, ұжымдық иммунитетті қалыптастыру қажеттілігін айтып, нұсқаулық таратты.
Түсіндірме барысында қала әкімінің орынбасары барлық кәсіпкерлерді, қала тұрғындарын ерікті вакцинациядан өтуге шақырды.
– Әсіресе, кәсіпкерлік нысан өкілдері заңды тұлға ретінде халықпен жұмыс істеу барысындағы жауапкершілікті сезінуі керек. Пандемияны тоқтатудың бірден-бір тиімді әдісі вакцинация екенін ұмытпауларыңызды сұраймыз, – деді Бектас Балғабайұлы. Бүгінде аймақта барлығы 140 қалыпты екпе пункті жұмыс істейді, ал 39 жылжымалы егу пункті елді мекендерді аралауда. Қаладағы емханалардың барлығында вакциналау кабинеттері ашылған. Жұмыс режимі таңғы 08:00-ден 00:00-ге дейінгі аралықта қызмет көрсетеді.
Пікірлер жоқ. Бірінші болыңыз!