Адам метапневмовирусының (hMPV) таралуы үлкен қауіп әкелмейді. Бұл туралы Дүниежүзілік денсаулық сақтау ұйымының өкілі Маргарет Харрис айтты.
ДДСҰ баспасөз хатшысының айтуынша, Қытайда мұндай инфекциялардың көбеюі маусымдық жағдайлармен тікелей байланысты. Аспан асты елінің ауруларды бақылау және алдын алу орталығының мәліметінше, тұмау әлі де ең көп таралған аурудың бірі болып отыр.
Харрис респираторлық инфекциялардың таралу ауқымы қыс мезгілі үшін қалыпты деңгейде екенін баса айтты.
Адам метапневмовирусы алғаш рет 2001 жылы анықталды. Маргарет Харристің сөзінше, бұл вирус әдетте суық тиюге ұқсас белгілерге ие, бірақ басқа респираторлық инфекциялар сияқты иммунитеті төмен науқастарда, нәрестелерде және егде жастағы адамдарда ауыр өтуі мүмкін.
Дүниежүзілік денсаулық сақтау ұйымының өкілі метапневмовирустан көз жұмғандар үлесі «өте төмен» екенін айтты. Мамандар қарапайым алдын алу шараларын сақтауға шақырады.
Сурет ашық дереккөзден алынды.
Пікірлер жоқ. Бірінші болыңыз!