Аймағымызда жұмысшы мамандықтарын дәріптеу мен жастарды еңбекке баулу мақсатында жас кәсіпкерлер мен шығармашыл жастардың қатысуымен мазмұнды кездесу ұйымдастырылды.
Аталған шараға еңбек жолын адалдықпен бастаған жас кәсіпкерлеріміз қатысып, өз тәжірибелерімен бөлісті.
Атап айтқанда:
«Din_ai_art_studio» шығармашылық шеберханасының жетекшісі, арт-мастер Дания Бақытқызы,
«Tatti_alem_kzo» кондитерлік дүкенінің негізін қалаушы Тасыбаева Динара,
«DAZZAR» той салонының иесі, жас кәсіпкер Балтабай Әсел Бекжанқызы,
«QOB TEAM» спорт клубы мен «Gamma MMA» федерациясының негізін қалаушы Қобланов Бейбітжан жастармен ашық пікір алмасып, кәсібін қалай бастағаны және оны дамыту жолындағы тәжірибелерімен бөлісті.
Кездесу барысында кәсіп ашудағы алғашқы қадамдар, қиындықтарды еңсеру жолдары мен кәсіби бағытта даму мүмкіндіктері туралы пайдалы кеңестер берілді. Жастар кәсіпкерлікке деген қызығушылықтарын білдіріп, түрлі сұрақтар қойып, белсенділік танытты.
Сонымен қатар, бұл бастама аясында орталықтың ұйымдастыруымен «Еңбек адамы» жобасы жүзеге асырылып келеді. Жоба мақсаты – мемлекет қолдауымен немесе өз қаражаты есебінен кәсібін дөңгелетіп отырған еңбекқор жастардың жетістіктерін насихаттап, қоғамға үлгі ету. Қазіргі таңда жоба аясында түрлі кәсіп иелері туралы бейнесюжеттер түсіріліп, ақпараттық-насихат жұмыстары жүргізілуде.
Бұл шаралар еңбек құндылығын арттыру, жастар арасында кәсіпкерлікке ынталандыру және өңірдегі жұмысшы мамандықтардың мәртебесін көтеру бағытындағы маңызды қадам болып табылады.
Пікірлер жоқ. Бірінші болыңыз!