HALYQLINE.KZ RFI француз басылымы Орталықафрикалық республикадағы Ресейдің жалдамалы әскерінің қылмыстық әрекеттерін әшекере ететін зерттеу материалын жариялады.
Олар Орталықафрикалық республикада (ОАР) үкімет жағында соғысып жүрген ЧВК Вагнера, Sewa Security Services және Lobaye Invest SARLU әскерлері жайлы. RFI мәліметінше, олар бейбіт тұрғындарды аяусыз зорлап, өлтіріп жатыр.
Бұл БҰҰ-ның арнайы жұмыс тобының материалында жарияланған. Ондағы ақпаратқа сәйкес, биыл қаңтардан сәуір айына дейін әскерлер сотсыз 26 адамды өлім жазасына кескен. 5 топтық зорлық жасап, 27 рет тергеу барысында адамдарды азаптаған. Бейбіт тұрғындарға оқ атқан.
RFI материалына қатысты Ресей елшілігі әзірге түсініктеме бермеді. Бірақ БҰҰ баяндамасын «расталмаған мәлімет» деп атаған.
Орталықафрикалық республикада 2013 жылдан бері көтерілісшілер мен қазіргі билік арасында соғыс жүріп жатыр. Ресей ОАР үкіметіне көмектесіп әскери кеңесшілер мен жалдамалы сарбаздар жіберген. Батыс БАҚ-тың мәліметінше, сарбаздар саны екі мыңға жетеді. Олар үкімет әскерімен бірге стратегиялық нысандарды күзетіп жатыр. Бірақ Кремль болса, мұны теріске шығарып келеді. ОАР-дағы Ресей елшісі тек 535 ресейлік «инструкторлар» қатысып жатқанын, олар соғыспайтынын жеткізген.
2018 жылы ОАР-да ресейлік журналистер Орхан Джемаль, Александр Расторгуев және Кирилл Радченко өлтірілген. Олар «Вагнера» ресейлік жекеменшік әскери компанияның соғысқа қатысы бар-жоғы жайлы фильм түсірмек болған.
Ресейдің тергеу комитеті журналистерді белгісіз арабтілді бұзақылар өлтірді деген шешімге келген. Бірақ «Досье» орталығының тәуелсіз зерттеушілері оларды арнайы операция «құрыққа» түсіргенін жариялаған.
Дереккөз: centralasian.org
Пікірлер жоқ. Бірінші болыңыз!