Солтүстік Ирландияның Ньюкасл қаласында тұратын ұрық доноры 180 баласы болғанына қарамастан жалғыздықтан жабығып жүр. Бұл туралы The Sun жариялады.
Өзін «жалғыз Джо» деп атайтын 52 жастағы ер адам жұбымен бала көтере алмай жүрген немесе жұп таба алмай жүрген әйелдерге ұрығын береді. Ол үшін әйелдермен жыныстық қатынасқа түседі немесе ұрық доноры болады. Осылайша ол – 180 баланың әкесі.
Джо әйелдерге жүкті болуға көмектескенді ұнатса да ол мұндай әрекет екінші жартысын іздеуге кедергі келтіретінін мойындады.
«Мен әйелдерге кездесудің оңтайлы уақытын анықтауға көмектесу үшін көп уақыт жұмсаймын. Кейде овуляция кезеңі өзгеруі мүмкін. Мен әрқашан көмектесуге дайын болуым керек. Бұл маған өз қызметімнен тыс әйелдермен романтикалық қарым-қатынас құруға мүмкіндік бермейді», – дейді ол.
Джо донорлықты жалғастыруды және өмірлік серік іздеуді жоспарлап отырғанын айтты. Ол өзінің өмір салты мен мінезін қабылдай алатын әйелді табу қиын болатынын мойындады.
Дереккөз: stan.kz
Фото: ашық дереккөзден.
Пікірлер жоқ. Бірінші болыңыз!