Halyqline.kz – үздіктер қатарында!

Шомылу маусымы: сақтықта қорлық жоқ!

10.06.2020, 9:10 2554

HALYQLINE.KZ

Қала тұрғындары мен қонақтарының назарына!

Қызылорда қаласының әкімдігі 2020 жылы суға шомылу маусымында қала аумағында Сырдария өзенінің бойында орналасқан су айдындарында және арнайы белгіленбеген орындарда суға шомылу кезінде қауіпсіздік ережелері мен сақтық шараларын қатаң сақтауға шақырады.

Жыл басынан бастап бүгінгі күнге дейін қала көлемінде суға батып кетудің 2 жағдайы тіркеліп, қайғылы жағдайлар болуда.

Ағымдағы жылдың 2 маусымында қала әкімдігімен бекітілген Қызылорда қаласы аумағында суға шомылу маусымына орай Сырдария өзені бойындағы қауіпті аймақтарда қауіптің алдын алу бойынша іс-шара жоспарына сәйкес, қала әкімдігі, қалалық полиция басқармасы, қалалық төтенше жағдайлар басқармасы қызметкерлерімен бірлесіп Сырдария өзенінің қауіпті саналатын аймақтары мен су айдындарында суға шомылушылардың қауіпсіздігін қамтамасыз ету бағытында рейд жұмыстары жүргізілуде.

Рейдтік аралау жұмыстары барысында қала аумағында жақын орналасқан суға түсуге бейімделмеген Сырдария өзенінің бойы, Көксу, Шіркейлі, Жаңадария, ПМК-29 саяжайы және Сталинск каналдары қамтылуда.

Сонымен қатар, ҚР Тұңғыш Президенті саябағына қарама-қарсы орналасқан «Қалғандария» көлінде балалардың белгіленбеген орындарда суға түсу жағдайлары байқалып, олар судан шығарылып, ескертпе үнпарақтары таратылды.

Осындай келеңсіз жағдайларды болдырмау және алдын алу бағытында қала тұрғындары мен қонақтарына суға шомылу кезінде қауіпсіздік ережелерін қатаң сақтап, балаларды қараусыз қалдырмау қажеттігін назарларыңызға жеткіземіз.

Қала әкімінің баспасөз қызметі

Пікірлер:
  • Менин тусинбейтиним,суга шомылу орындарын ар жерде неге уйымдастырмаска.аудан,ауылдарда шомылу орны жок,енди келип кауипсиздик сактамады деп рейд жасайды.сонда биздин жуйеде шомылу орнын жасамайды да шомылган адамды киналайды.осылай жылда кайталанады гой.

Акан үшін пікір үстеу Жауапты болдырмау

Тағы да оқыңыз: