Halyqline.kz – үздіктер қатарында!

Кері байланысқа басымдық берілмек

25.03.2020, 10:29 547

Салық, еңбек мәселелері, сондай-ақ төтенше жағдайлар кезіндегі мемлекеттің бизнесті қолдауда атқаратын шаралары туралы «Атамекен» ҚР ҰКП Басқарма төрағасы facebook-тегі ресми парақшасында мәлімдеді.

Өткен аптада Қазақстан Республикасы Президентінің төрағалығымен Төтенше жағдайлар жөніндегі мемлекеттік комиссияның отырысы өтті, онда тұрғындар мен бизнесті қолдау бойынша атқарылатын шаралар туралы айтылды.

Үнемі кері байланыс үшін бизнеске рахмет. 8 мыңнан астам өтініш келіп түсті. Біз сіздердің барлық проблемаларыңызды жинақтап, жүйеге келтірдік. Бүгін Мемлекет басшысының сөйлеген сөзінде көптеген мәселелер бойынша шешімдер айтылды. Бұл шаралардың нақты шарттары мен тетіктері Үкіметпен және Төтенше жағдайлар жөніндегі мемлекеттік комиссиямен бірлесіп пысықталатын болады:

Төтенше жағдай кезінде ай сайынғы төлемдер төтенше жағдай салдарынан кірісін жоғалтқан адамдарға ЕТЖ мөлшерінде (42 500 теңге) төленеді. Төлем тетігін анықтауды Үкімет пен «Атамекен» ұлттық кәсіпкерлік палатасы екі күннің ішінде тапсырды.

Төтенше жағдайларға ұшыраған салалардағы ШОК субъектілеріне айыппұлдар мен өсімпұлдарсыз салықтардың және басқа да міндетті төлемдердің барлық түрлерін төлеуді 3 айға кейінге қалдыру ұсынылады;

Үкімет сондай-ақ ауылшаруашылық өнімдері мен азық-түлік тауарларына ҚҚС-ны уақытша төмендету, маңызды импортқа кедендік баждарды жою және т.б.

Ұлттық Банкке, реттеушіге және екінші деңгейлі банктерге ағымдағы жағымсыз жағдайға душар болған ШОБ-қа берілген барлық қарыздар бойынша негізгі қарызды және пайыздарды төлеуді тоқтата тұру туралы ұсыныстарды қарастырып, енгізу тапсырылды.

«Қарапайым заттар экономикасы» бағдарламасына бөлінетін қосымша қаражат импортты алмастыруға, ең алдымен азық-түлік тауарларына бағытталады.

Ағымдағы жылдың 20 наурызынан бастап ШОБ үшін мемлекеттік, квазимемлекеттік жылжымайтын мүлікке 3 ай мерзімге жалдау төлемдерін есептеу тоқтатылады.

Жергілікті атқарушы органдар аймақтық кәсіпкерлер палаталарымен бірлесіп, коммерциялық жылжымайтын мүлік саласында кәсіпкерлік қызметті жүзеге асыратын шағын және микро кәсіпкерлік субъектілерді жалдаудан босату мүмкіндігін зерттейді.

Мемлекеттік органдар мен ұлттық компаниялардың сатып алуларында кепілдік жарна немесе банктік кепілдік беру қажеттілігін болдырмайтын отандық тауар өндірушілердің тізілімі құрылады және жеңілдетілген тәртіп енгізіледі.

Мемлекеттік органдар мен квазимемлекеттік компаниялар экономикадағы жағымсыз құбылыстарға байланысты шарттың орындалмауы анықталса жеткізушіні сенімсіз жеткізушілер тізіліміне енгізбеуі керек және айыппұлдарды өндірмеуі қажет.

Қажетті тауарларға баға деңгейін ұстап тұру бойынша шаралар қабылданады, бастапқы сұраныстағы тауарлардың болуын және оларды сөрелерге шығаруды ескере отырып, жеткілікті қорларды анықтау тетіктері айқындалады.

Atameken.kz

Пікірлер жоқ. Бірінші болыңыз!

Пікір жазыңыз

Тағы да оқыңыз: